كبة البطاطا *** بلصور

:(

كبة البطاطا أو عروق بلقاس يعني بطاطا وهيك بيقولولا بيبرود
وهالأكلة دسمة لأنو مدهنة وأنا بصراحة بساويها مرة أو تنين بالسنة بس طيبة كتير ومن الأكلات القديمة
وهلق بنبلش بالمقادير
2-3 كأس برغل وسط الي بتستعملوه للكبة العادية
نصف كيلو بطاطا مسلوقة ومقشرة
ملح وبهارات وفلفل
ماء مثلج للعجن

الحشو**
دهن مفروم على ما كينة اللحمة ويضاف له بهارات والقليل من دبس الرمان
ويمكن إضافة اللحم المفروم والملفح مع البصل مسبقا
حسب الرغبة
وأنا هالمرة ساويتها بس بدهن
الطريقة
بعد تقشير البطاطا تهرس بالشوكة
ثم وبدون نقع مسبق نضيف البرغل تدريجيا مع الماء للبطاطا حتى تتكون عجينة لينة قليلا
ويكون البرغل نسبيا أكثر من البطاطا بقليل
ونضيف الملح والبهارات
ثم نعمل الكبة أو ممكن تكون مطابقات {حسب الرغبة}
وتحشي بالدهن واللحم ثم تقلى بزيت حامي وغزير
وهاي صورة العجينة والحشو

[ندعوك للتسجيل في المنتدى أو التعريف بنفسك لمعاينة هذه الصورة]

وصحتين وهنا بتمنى تعجبكون
ملاحظة ***
حتى تعرفو أنو العجينة تمام ومشان ما تفرط بالقلي بتاخدي شوي وبتكوريهون على كف ايدك بعد ما تمسحيه بالمي الباردة ولازم ما تلزق العجينة هيك بتكون تمام
وممكن تشويها بدل القلي
وإن شاء الله تعجبكون اذا جربتوها

» كراتان البطاطا والكفتة والصوص بيشاميل للكبار والصغار