اسهل طريقة لتحضير البغرير بالخطوات المصورة

السلام عليكم و رحمة الله و بركاته

موقع بسمة لكل ما يهم المرأة المغربية يقدم اسهل طريقة لتحضير البغرير بالخطوات المصورة

اسهل طريقة لتحضير البغرير بالخطوات المصورة

مقادير و طريقة تحضير البغرير بطريقة سهلة

طبعا كلشي كيعرف لبغرير غير أنا بغيت نحط ليكم طريقتي و عمري بدلتها كيجي خفيف و كيصدق 100 ف 100

من الاخت امة الله جزاها الله عنا كل خير

مقادير البغرير

كاس كبير سميدة رقيقة

1/2 كاس فينو

ربع كاس فورص

2 كيسان ماء دافئ

معلقة صغيرة ملح

معلقة صغيرة سنيدة أو فاني

معلقة صغيرة خميرة الخبز

1 خمارة

طريقة تحضير البغرير

كنخلط جميع المقادير

كنزيد الماء و نخلط مزيان

و كندير الخليط فمولينيكس حتا يتخلط مزيان

و نكبوه فشي اناء ونغطيوه و نخليوه غير حتا تطلع فيه الخميرة يعني متخليوهش حتا يخمر بزاف

نحركوه بشوية من الفوق للتحت و نبداو نطيبو

انا عندي المقلاة صغيرة يعني غير كنكب القياس بلا منحركو بالمغرفة

كنزيد فالعافية حتا كيتقب عاد كنقص عليه

و بالصحة و الراحة و غير جربوه غادي يعجبكم